الرئيسية / مقالات / لازم دائما افكر نفسي

لازم دائما افكر نفسي

مقال : المهندس محمد داوود

حاجة مهمة اتعلمتها وبحب دائما افكر نفسي بيها ان الحاجة اللي بكون حائف وقلقان منها النهاردة، بكرة مش هيكون لها وجود ومحدش هيفتكرها. والاهم ان حتي الناس القليلية اللي هتلاحظ سرعان ما هينسوا. النقطة دي فكرتني بشوية دروس اتعلمتها وبحتاج اني افكر نفسي بيها مرارا وتكرارا

 

  1. خليك مبادر بالخطوة الاولي

الخوف بيفرملنا ويخلينا نتسمر مكانا, زي الخوف من بداية مشروع جديد او فكرة جديدة والنجاح بيتطلب المبادرة، على رأي نيكي Just Do It

 

  1. جرب 10 حاجات في نفس الوقت

ليه؟ لان في الغلب 8 او 9 منهم هيفشلوا او مش هينجحوا النجاح المتوقع فلازم يكون عندك ورقة او اتنين ناجحين في ايدك

 

  1. بس خلي تركيزك معظم الوقت في 3حاجات

خليك فاكر، انت فاتح في 10 حاجات علشان تختار منهم 2-3

 

  1. ركز احيانا في واحدة

زي ما قولنا من 10 افكار 3 فيهم امل وواحدة هي اللي هتصيب

 

  1. احساسك غالبا صح

سميها زي ما تحب، حدس، ضمير، ملاكك الحارس او حتي القدره على التنبوؤ بالغيب المهم ان الاحساس ده بيجيلك وبيكون غالبا صح بطريقة غريبة في اجابته لاي من الاسئلة اللي عدك حتي لو كانت الارقام بيقول عكس كده

 

  1. اعمل حسابك ان احساسك ده ممكن خيب بنسبة خمسة في المية

ما احنا بردة بشر وما بيجيلناش وحي فممكن نقلش احيانا، خلي الفكرة دي في دماغك لانك ممكن تتغر وتصدق انك بتعرف تطير

 

  1. معندكش غير جسم واحد

يعنس لازم تخلي بالك منه جدا لأن مالهوش بديل، وصيانته غاليه وقطع الغيار مش متوفرة

 

لو عطل فانت كده بقيت محلك سر، فخلي بالك منه جدا

 

  1. اطلب السماح مش الاذن

في اوقات هتحتاج تكون جريئ وتخل بقلب جاد ومش هتستني اذن، ساعتها دوس واعمل الصح (بصوت غسان مطر) ولما تخلص ابقي اطلب السماح

 

  1. اعمل حاجة

ما تكونش الشخص اللي هيقعد على الكورنيش بعد سنين يندب حظه انه ما خدش حظوة او ما عملش حاجة، خليك جريئ

 

  1. خد قرار

علشن تعمل حاجة لازم تاخد قرار، اتحرك بهدف وخد قرار يوصلك للهدف

 

  1. خد وقتك

بدون ما ننقض نمرة 10 لازم نعرف ان في فرق بين الحسم والتهور.في قرارات بتحتاج تسيبها تخمر شوية، مش هعرف اقولك الفرق بس لو احساسك الداخلي مكنش مظبوط ما فيش مانع من التأني ليوم.

 

  1. سامح

الزعل والغيظ بيأثر على مودك وقدرتك على اتخاذ القرار عود نفسك انك تسامح، وخليك عارف ان في فرق بين انك تسامح وانك تنسي

 

  1. اطلب السماح

انت مش ملاك واكيد هتزعل ناس منك، اعترف باخطائك واعتذر، صلح الغلط وكمل طريقك

 

  1. سامح نفسك

الكملا لله وحده، ومش متوقع مننا اننا حتي نقرب له. صحيح هتبذل اقصي ما عندك من جهد وهتسعي للكمال احيانا هتقصر فبلاش تقسي على نفسك واعرف الغلط فين وصلحه او على الاقل اشتغل عليه.

 

  1. قول شكرا

قدر الناس اللي حواليك وحسسهم بتقديرك ليهم

 

  1. خليك بشوش

الابتسامة والترحاب بقت عملة نادرة دلوقتي، صحيح ان الادب ان تشكر الناس بس كمان البشاشة في التعامل بتسيب علامة كبيرة وعلى راي المثل لاقيني ولا تغديني

 

  1. افسح لغيرك

ده طبعا تعبير مجازي، بس عميق شوية. الموضوع مش بس انك تكون مؤدب بس كمان تجهز الخط التاني

 

  1. خليك اصلي

خليك على طبيعتك بلاش تترسم بزيادة او تفتعل حاجات مش فيك

 

  1. لا تفقد الحماس

الحماس في كل حاجة في الحياة مش بس الشغل، شوف اماكن جديدة واتعرف على ناس جديدة

 

  1. خليك مسلي

طول ما انت متحمس للحياة هتشوف وتعرف حاجات جديدة وجائما هتكون عندك حواديت مسلية، دي بيخليك مركز اهتمام اي تجمع والفوئد هنا كتيرة جدا

 

  1. اخلص من الكراكيب

كلنا عندنا كراكيب كتير في حياتنا ماديا ومعنويا، انسف حمامك القديم واخلص من كل الكراكيب لانها حمل زيادة متقلك ومش مخليك عارف تطير

 

  1. ابدا الرحلة وانت عارف هتوصل لايه

خليك ذكي الموضوع مش مشي وحرق بنزين وخلاص، ركز شوف انت عاوز توصل لأيه وما تنساش نفسك

 

  1. تقبل النتائج مهما كانت

مهما كانت خطتك محكمة في اوقات هتخيب ومش هتمشي معاك زي ما انت عايز، او هتقابل حد عنده خطةاحسن ، ما تخافش وما تتهزش بس راجع نفسك وتقبل النتائج المخالفة لتوقعاتك

 

  1. اعرف مين فعلا مهتم

صحيح محدش مركز بس في ناس في حياتك فعلا مهتمين بيك وهما دول سبب نجاحك

 

  1. خليك انت الحل

في اي خلاف او مشكلة خليك انت مفتاح الحل

متروحش تطلع مشكلة وما تقترحش حل لانك كده بقيت جزئ من المشكلة

  1. ما تفوتش واجب

جنازة كانت او جوازة ما تفوتش واجب، روح للناس وشاركهم افرتحهم او احزانهم كل ده هيصب في مصلحتك في الاخر

عن wind

شاهد أيضاً

كلمة من القلب

بقلم : م . حاتم زهران يا ريس، لو سمحت، ممكن كلمتين، إذ سمحت، تسمعهم، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *