الرئيسية / ثقافة و ادب / ادهم وبيض شم النسيم

ادهم وبيض شم النسيم

كان يا ما كان في زمان غير الزمان ومكان غير المكان ولد رياضي ونشيط اسمه ادهم كان بيحب يلعب كاراتية وكان متفوق جدا في رياضته وده كمان خلاه شاطر جدا في مدرسة وكان بيطلع الاول بس في مرة من المرات وقت التدريب وقع ادهم علي الارض وانكسرت رجله وفورا مامته ودته للدكتور اللي فحص ادهم وقال لمامته انه هيحتاج يتجبس لمدة شهر والسبب ان ادهم عنده نقص في الكالسيوم فبالرغم من انه الوقعة كانت بسيطة بس نقص الكالسيوم هو اللي خلاها تكسر بسهولة كده وطلب من ادهم انه لازم يأكل حاجات فيها كالسيوم زي اللبن والبيض وان ده هيساعده انه يخف بسرعة ادهم للاسف كان بيغلب مامته كتير في شرب اللبن واكل البيض بس ده اثر كتير علي صحته وادهم فهم دلوقتي اد ايه ان اللبن والبيض مهمين جدا عشان يخلونا اقويه رجع ادهم البيت وهو زعلانه انه هيتحرم من المدرسة والتدريب لمدة شهر بس قرر انه لازم يحاول يشرب اللبن وياكل البيض عشان يخف بسرعة وتاني يوم الصبح صحي ادهم من النوم ولاقي جمبه سلة شكلها حلو جدا ملاينه بيض ملون ومكتوب عليه يارب تخف بسرعه يادهم نادي ادهم علي مامته وساله هو انت ليه يا ماما ملونة البيض كده ردت مامته وقالتله عشان النهاردة شم النسيم رد ادهم وقال صحيح الميس دايما كنت بسمعها بتقول ان الاسبوع الجاي اجازة عشان عيد شم النسيم هو يعني ايه ياماما شم النسيم ردت مامته وقالتله شم النسيم ده يا ادهم احتفال موجود من زمان اوي واول ناس كانوا بيحتفلوا بيه هم الفراعنة اللي هما أجدادنا اللي بنوا الاهرامات وكانوا بيفتكروا ان يوم شم النسيم ده هو اول يوم ابتدي في العالم وظهرت في الحياة وكانوا بيحبوا يخروجوا للجناين وياكلوا اكلات معينة في اليوم ده واولها البيض وكانوا بيرسموا عليه ويكتبوا اي حاجة بيتمنوها ويحطوه في سلة كبيرة ويعلقوها علي سطح البيت لانهم كانوا عارفين فوايد البيض الكتيرة كمان كانوا بيحطوا البصل تحت المخدة وكمان بيلبسوه زي العقد لانهم كانوا متاكدين من فوايد البصل واد ايه هو بيحارب الامراض وكمان كانوا بياكلوا الاسماك والخضروات زي الخس والملانة واستمر الاحتفال بيوم شم النسيم لحد دلوقتي وناس كتير فضلت تعمل نفس الحاجات اللي كان بيعملها الفراعنة زمان زي اكل الاسماك وتلوين البيض والخروج للجناين وبما اننا مش هنقدر نخرج الجنينة انا قررت ان انا وانت يا ادهم نزرع زرعة صغيرة وتحطها علي شباك اوضتك عشان تفضل فاكر اليوم ده ومتنساش ابدا انك تاكل حاجات فيها كالسيوم وميحصلكش حاجة السنة الجاية وتقدر نحتفل بشم النسيم في الجنينة حضن ادهم مامته وقالها بجد شكرا يا ماما انت خلتيني احس بشم النسيم بالرغم من اني قاعد في البيت

عن wind

شاهد أيضاً

المصريون يتزوجون في عمر 24 عاما.. دراسة تكشف متوسط سن الزواج في العالم

حين يتجاوز الناس عامهم العشرين، يفكرون غالبا في الزواج وإنهاء حياة العزوبية، لكن سن الارتباط …

اترك تعليقاً

لن يتم نشر عنوان بريدك الإلكتروني.