الرئيسية / ثقافة و ادب / تاليا تحتفل بعيد العمال

تاليا تحتفل بعيد العمال

كان يا ماكان في زمان غير الزمان ومكان غير المكان كان في بنوتة جميلة اسمها تاليا تاليا بنوتة ذكية وجميلة ومتميزة في حاجات كتير ومامتها وباباها بيحبوها جدا بس للاسف تاليا بالرغم من المميزات اللي عنده دي اللا انها كان عندها عيب وحيد كان بيخلي كل اصحابها يبعدوا عنها تاليا كانت شايفة طول الوقت انها احسن وافضل كتير عن كل اللي حواليها هي فعلا صحيح كده بس مش هي الوحيدة اللي كانت عندها المزايا دي اطفال كتير زيها كان عندهم نفس المزايا بس مكنوش مغرورين زي تاليا مامتها دايما كانت بتنصحها انها تغير من طريقتها عشان الناس تحبها ومتبعدش عنها بس تاليا كانت بتقول لمامتها انا ياماما مبسوطة كده ومش مهم عندي الناس هم لو مش عايزين يصحابوني انا كمان مش عايزاهم مامتها قالتلها اكيد يا تاليا قريب هتعرفي اد ايه ان علاقتنا بالناس اللي حوالينا مهمةومش شرط اننا نكون محتجين منهم حاجة كفاية بس وجودهم حوالينا بيخلينا مطمنين مامة تاليا كانت بتشتغل طول الوقت ومكنتش بيبقي عندها وقت ترتب وتنضف البيت فكانت بتطلب المساعدة من ست تانية مش بتشتغل انها تيجي وتساعدها ومامة تاليا كانت طول الوقت بتعامل الست دي بمنتهي الاحترام

وكانت بتحس انها مش اقل منها في حاجة بس للاسف تاليا هي اللي كانت بتحسسها انها مجرد خدامة مش اكتر من كده وحتي لما كانت الست دي بتجيب بنتها معاها تاليا كانت بترفض تقعد او تلعب معاها تاليا كمان بتطلب منها انها تعملها كل حاجة ومش بتديها فرصة تستريح تاليا بتشوف ان الناس اللي بيشتغلوا في تنضيف البيوت وتنضيف الشوارع مش زي الناس التانية هما اقل منهم بكتير ومفروض انهم طول الوقت يتشغلوا وميخدوش راحة في يوم من الايام صحيت تاليا من النوم وقعدت تنادي علي الست اللي بتساعد مامتها عشان تحضرلها الفطار بس للاسف مكنتش موجودة جريت تاليا واتصلت بمامتها تسالها هي فين ومجتش ليها رددت مامتها وقالتلها انها اخدت اجازة لانها تعبان ومش هتقدر تيجي اضايقت جدا تاليا

واضطرت انها تحضر الفطار وتلبس لوحدها نزلت تاليا عشان تروح المدرسة واول ما فتحت باب الشقة لقت ريحة وحشة جدا وحشرات وناموس بيطير في وشها وده كان بسبب اكياس الزبالة اللي موجودة علي باب الشقة واما نزلت تاليا سالت البواب ليه الزبالة محدش اخدها قالها ان عمال النضافة في المنطة عاملين اضراب ومش هيلموا الزبالة اللي لما الناس تتعامل معاهم باحترام ومرتابتهم تزيد شوية استغربت تاليا هو ايه الاضراب ده وهم كمان بيطلبوا ان احنا نعملهم باحترام بعد اللي عملوه ده ركبت تاليا الباص وراحت المدرسة وكانت الزبالة مرمية علي طول الطريق والناموس والحشرات كانت مليانة الشوراع دخلت تاليا الفصل ولقت كل واحد من اصحابها لابس ملابس زي ملابس عمال النضافة وكلهم ماسكين ادوات النضافة وسمعت تاليا صوت مدرستها وهي بتقولها يلا بسرعة يا تاليا البسي زي بقيت اصحابك استغربت تاليا وقالتلها ليه احنا كلنا هنلبس اللبس ده قالتلها بكرة كلنا هنجتفل بعيد اسمه عيد العمال وزي ما نتوا عارفين ان عمال النضافة عاملين اضراب احنا ققررنا نلبس كده وهنخرج الشارع وهنقدملهم الورود دي ونشكرهم علي مساعدتهم لينا لان غيابهم بس يوم واحد اثر فينا جدا وكلنا طبعا شايفين كميات الزبالة والحشرات والريحة الوحشة تاليا سالت الميس هو ايه عيد العمال ده يا ميس واشمعنا سموه عيد العمال رددت الميس وقالتلها عيد العمال اول ظهوره كان في الدول الاجنبية زي امريكا وكندا واستراليا هناك مكنش حد بيقدر العمال وكانوا بيشتغلوا لساعات طويلة جدا

وكان عدد ساعات النوم قليلة في يوم قرر العمال انهم هيعملوا اضراب هيسموه اضراب (الثماني ساعات) وطلبوا فيه ان ساعات الشغل تقل لتمان ساعات بس عشان يقدروا يواصلوا يومهم ويقدروا يقدموا شغلهم بكفائه وبعد محاولات كتيرة قدر العمال فعلا انهم يحققوا هدفهم وفعلا بقي في قوانين عمل بتقول ان العمال ما يشتغلوش اكتر من تمان ساعات انتشرت الفكرة في كل البلاد واصبح لليوم ده ذكري عند كل العمال وبقوا بيحتفلوا بيه ومن هنا جه اسم عيد العمال وبيكون الاحتفال بيه يوم 5/1 وبناخده اجازة عشان كلنا نشارك العمال في عيدهم واحنا ققرنا النهاردة ان احنا نحتفل معاهم بطريقة مختلفة عشان كده ان اخترت نوع من العمال اغلبنا مش بيحترمهم بالطريقة الكافيه وهما عمال النضافة والنهاردة هنقضي معاهم اليوم ونساعدهم ونشوف اد ايه هم بيتعبوا عشان ودورهم مهم جدا في حياتنا

 

اتحمست تاليا للفكرة وفعلا نزلت تاليا مع زمايلها وقضوا اليوم في مساعدة عمال النضافة وكمان ادمولهم ورد وشكروهم علي تعبهم وروحت تاليا وهي تعبانة جدا بس كانت فرحانة انها عرفت ان عمال النضافة بيتعبوا وكمان قررت انها هتغير من طريقة تعاملها مع الناس لان كلنا بنكمل بعض في كل حاجة.

عن wind

شاهد أيضاً

المصريون يتزوجون في عمر 24 عاما.. دراسة تكشف متوسط سن الزواج في العالم

حين يتجاوز الناس عامهم العشرين، يفكرون غالبا في الزواج وإنهاء حياة العزوبية، لكن سن الارتباط …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *